XX. mendeko Euskararen Corpus estatistikoa
Testuingurua
Iru-lau urtean, ementxe ikasi eban gure Enbeita gazteak bizitza gustirako ainbat lagundu eutson eskolea.
Lenengo bertso-sayoak.- Txikitatik ei ekarren bertso-zaletasuna eztok alan?.
- Bai, batez be bertso-paperak erosten umetatik asi zan.
Gernika'n, dakizunez, urteko astelen gustietan jai andia egin oi da.
Ori dala-ta, emen ingurukuok astean jai bi doguz, domekea ta astelena.
Astelen geyenetan ara juan oi ziran, gaur lez, gure Enbeitarrak; Kepa be bai, txikia izanagaitik, sarri aratzen zan, gurasoakaz batean.
Eta mutil koskorrari geyen eder yakozanak pelota-jokua ta bertso-paperak ziran; olango paper-ingiren batzuk beti ekazan etxera.
Bein, diñoenez, Gernika'ra joyala
Etxerantzean be, an ebillen papel-saltzallea oni ta ari paper-eskinka.
Ta Kepa'k, besteko barik, buruz bota eutsozan goizean erositako paperak ekazan gustiak; nai leukazala geyago be, baña txanponik ez sakelean.
Saltzalleak orduan, aren bertso-zaletasunaz arri ta zur, dubarik emon ei eutson beste paper barri bat.
Garai atan eskekuak, kitanuak, ijituak eta gañontzekoak etorten ei ziran olango kanta-paperakaz; eta gure Kepa amari arexek erosteko diru-eske beti.
Aren bertso-gosea!.
Bertso-paper pillo itzela ei eukan etxean.
Eta gaztetatik ei ekarren berak be olakoxe paperak argitara emoteko griña.
- Orduan ba-zan bertso giroa Usparitxa aldian?.
- Iduritu daikegun baño andiago, nunbait.
Bertso-paper orreik, geyenetan, zortzi ahapaldikoak ziran.
Eta Kepa-k buruz ekizan.
Soluan itaurren, edo bei-zañen, edo otzaragiñen ziarduen bitartean, zenbat onako ikasi eban!.
Gero abestu.
Ta zelako abotsez! Arein durundi ederra!.
Ta Kepa'k kantari ekiten, lan bitartean; txoriai begira, ipar-aixiaren intziriz, beti abeslari gozo ta bulartsu, azoka-egunetan Gernika'n saltzen ziran paperetatik ikasitako euzkel-bertso txanbeliñak....
Egia, bere aita, ikusi dogunez, etzan bertsolari makala; ta bere anai zarrago Antolin be, gaztetan beintzat, berau baño bertsolari joriagoa ei zan.
Onek esanda jakin eban Kepa'k ba-zala Zugaztieta'n gizon giputz bat bertsotan asko ekiana; bera be iñoiz izan ei zan aregaz sayotan, baña bera baño geyago izan.
- Ez al dakizu giputz au nor zanik?.
- Bai. Zugaztietan lanean ebiltzan bertsolari orreik, anai bi ziran: Jose Joakin eta Juan Jose, oñatiarrak.
Biak mutil galant eta zintzoak;(...).